Vi skal selje bilputer med refleksvestar til inntekt for klubben

Bilputa er svart med handtak og nøytral logo, og med ei eiga lomme for refleksvest. Ho er enkel, praktisk og lett å bruke. Dette er ein viktig førstehjelpsartikkel som bør finnast i alle bilar! Frå og med 1.mars 2007 vert det påbode med refleksvest i bil, slik at du blir meir synleg viss du ved ein uforutsett stans må ut i vegbana.

Dette salsprosjektet blir utført i samarbeid med solidaritetsorganisasjonen Norsk Folkehjelp, som driv viktig arbeid i både inn- og utland. Produktet er både godt og nyttig, og samstundes støttar du både Norsk Folkehjelp og Sogndal Køyre- og Rideklubb; klubben får halvparten av inntektene. Ved at det er førstehjelpsutstyr vi sel, bidreg vi også til eit samfunnsnyttig arbeid; det er viktig at alle bilar er utstyrte med bilpute.

Prisen på puta er 350 kr. Dersom du er interessert i å kjøpe ei eller fleire, eller vil vere med å selje, kan du ta kontakt med nestleiar i SKRK, Margit Rimeslåtten.
Mail: mar-rime@frisurf.no

Ver med å støtt ei god sak samstundes som du sikrar deg og dine!